שירת הים שמות טו - אז ישיר משה

Description

🙏 שירת הים - שמות פרק ט״ו (המלא)

״אָז יָשִׁיר מֹשֶׁה וּבְנֵי יִשְׂרָאֵל…״
שירה שנאמרה לאחר קריעת ים סוף - רגע של אמונה, הודיה וגילוי מלכות ה׳ בעולם.
חז״ל מלמדים שנאמרה ברוח הקודש, כאיש אחד בלב אחד.

🎶 עיבוד מוזיקלי מחודש בעזרת AI
יוצר עצמאי: Ehud Lankry

📜 שמות פרק ט״ו – שירת הים

א אָז יָשִׁיר מֹשֶׁה וּבְנֵי יִשְׂרָאֵל אֶת הַשִּׁירָה הַזֹּאת לַאדֹנָי וַיֹּאמְרוּ לֵאמֹר
אָשִׁירָה לַאדֹנָי כִּי גָאֹה גָּאָה סוּס וְרֹכְבוֹ רָמָה בַיָּם

ב עָזִּי וְזִמְרָת יָהּ וַיְהִי לִי לִישׁוּעָה
זֶה אֵלִי וְאַנְוֵהוּ אֱלֹהֵי אָבִי וַאֲרֹמְמֶנְהוּ

ג אדֹנָי אִישׁ מִלְחָמָה אדֹנָי שְׁמוֹ

ד מַרְכְּבֹת פַּרְעֹה וְחֵילוֹ יָרָה בַיָּם
וּמִבְחַר שָׁלִשָׁיו טֻבְּעוּ בְּיַם סוּף

ה תְּהֹמֹת יְכַסְיֻמוּ יָרְדוּ בִמְצוֹלוֹת כְּמוֹ אָבֶן

ו יְמִינְךָ אדֹנָי נֶאְדָּרִי בַּכֹּחַ
יְמִינְךָ אדֹנָי תִּרְעַץ אוֹיֵב

ז וּבְרֹב גְּאוֹנְךָ תַּהֲרֹס קָמֶיךָ
תְּשַׁלַּח חֲרֹנְךָ יֹאכְלֵמוֹ כַּקַּשׁ

ח וּבְרוּחַ אַפֶּיךָ נֶעֶרְמוּ מַיִם
נִצְּבוּ כְמוֹ נֵד נֹזְלִים
קָפְאוּ תְהֹמֹת בְּלֶב יָם

ט אָמַר אוֹיֵב אֶרְדֹּף אַשִּׂיג אֲחַלֵּק שָׁלָל
תִּמְלָאֵמוֹ נַפְשִׁי אָרִיק חַרְבִּי תּוֹרִישֵׁמוֹ יָדִי

י נָשַׁפְתָּ בְרוּחֲךָ כִּסָּמוֹ יָם
צָלֲלוּ כַּעוֹפֶרֶת בְּמַיִם אַדִּירִים

יא מִי כָמֹכָה בָּאֵלִם אדֹנָי
מִי כָמֹכָה נֶאְדָּר בַּקֹּדֶשׁ
נוֹרָא תְהִלֹּת עֹשֵׂה פֶלֶא

יב נָטִיתָ יְמִינְךָ תִּבְלָעֵמוֹ אָרֶץ

יג נָחִיתָ בְחַסְדְּךָ עַם זוּ גָּאָלְתָּ
נֵהַלְתָּ בְעָזְּךָ אֶל נְוֵה קָדְשֶׁךָ

יד שָׁמְעוּ עַמִּים יִרְגָּזוּן
חִיל אָחַז יֹשְׁבֵי פְּלָשֶׁת

טו אָז נִבְהֲלוּ אַלּוּפֵי אֱדוֹם
אֵילֵי מוֹאָב יֹאחֲזֵמוֹ רָעַד
נָמֹגוּ כֹּל יֹשְׁבֵי כְנָעַן

טז תִּפֹּל עֲלֵיהֶם אֵימָתָה וָפַחַד
בִּגְדֹל זְרוֹעֲךָ יִדְּמוּ כָּאָבֶן
עַד יַעֲבֹר עַמְּךָ אדֹנָי
עַד יַעֲבֹר עַם זוּ קָנִיתָ

יז תְּבִאֵמוֹ וְתִטָּעֵמוֹ בְּהַר נַחֲלָתְךָ
מָכוֹן לְשִׁבְתְּךָ פָּעַלְתָּ אדֹנָי
מִקְּדָשׁ אדֹנָי כּוֹנְנוּ יָדֶיךָ

יח אדֹנָי יִמְלֹךְ לְעֹלָם וָעֶד

יט כִּי בָא סוּס פַּרְעֹה בְּרִכְבּוֹ וּבְפָרָשָׁיו בַּיָּם
וַיָּשֶׁב אדֹנָי עֲלֵהֶם אֶת מֵי הַיָּם
וּבְנֵי יִשְׂרָאֵל הָלְכוּ בַיַּבָּשָׁה בְּתוֹךְ הַיָּם

כ וַתִּקַּח מִרְיָם הַנְּבִיאָה אֲחוֹת אַהֲרֹן אֶת הַתֹּף בְּיָדָהּ
וַתֵּצֶאןָ כָל הַנָּשִׁים אַחֲרֶיהָ בְּתֻפִּים וּבִמְחֹלֹת

כא וַתַּעַן לָהֶם מִרְיָם
שִׁירוּ לַאדֹנָי כִּי גָאֹה גָּאָה
סוּס וְרֹכְבוֹ רָמָה בַיָּם

✨ אם התחברתם לשירה - כתבו “אמן” בתגובות 🙏
👉 תעקבו לערוץ לעוד מזמורים, שירת קודש ותוכן יהודי בעיבודים עוצמתיים.

#שירת_הים
#אז_ישיר_משה
#תהילים_ושירה
#JewishMusic
#HebrewMusic
#FaithMusic
#IsraelMusic
#SpiritualHebrew
#BibleSong
#EhudLankry